غذر ہندراپ نالہ میں چار مقامی افراد یرغمال

غذر (عنایت ابدالی) ہندراپ نالہ سے KPK کے 30 مسلح افراد نے نالہ میں موجود4 افراد کو یرغمال بنا رکھا ہے۔ اطلاعات کے مطابق ہندراپ نالے میں 8 افراد موجود تھے جن میں سے 4 بندے واپس گاوں ہندراپ پہنچ گٸے جبکہ 4 بندوں کو 30 مسلح افراد یرغمال بنا لیا ہے۔ مسلح افراد کا مطالبہ ہے کہ ہندراپ نالہ ہمارے نام کیا جاٸے۔
یاد رہے کہ اہلیان ہندراپ اور افرین ملک کے مابین کیس سیشن کورٹ میں موجود ہے ۔ عوام ہندراپ اس واقعے کے بعد مشتعل ہیں، عماٸدین پھنڈر تھانہ میں ایف آٸی ار درج کرنے گیے ہوٸے ہیں۔
عوام کا مطالبہ ہے کہ قانون نافذ کرنے والے ادارے جلد مزید کاروائی کریں ورنہ عوام ہندراپ خود تعاقب میں روانہ ہونگے.
یاد رہے کہ عوام نے کئی بار مطالبہ کیا تھا کہ ہندراپ نالہ میں پولیس تعینات کیا جاٸے مگر ضلعی انتظامیہ اور حکومت کی جانب سے بروقت کاروائی نہیں کی گئی جس کی وجہ سے یہ سانحہ رونما ہوگیا ہے.

اپنا تبصرہ بھیجیں