بابا جان 109

سرکار نے انسداد دہشتگردی قانون کا استعمال سیاسی و سماجی لوگوں کے خلاف کرکے اس کی افادیت ختم کر دی ہے، بابا جان

ویب ڈیسک


عوامی ورکرز پارٹی کے راہنما کامریڈ باباجان نے جمعرات کے دن عوامی ایکشن کمیٹی بلتستان کے چیئرمین نجف علی کے ہمراہ پونیال غذر میں حالیہ دنوں انتظامیہ کی جانب سے لگائے گيے غیر قانونی انسداد دہشتگردی کے مقدمے کے حوالے سے یکجہتی کےليے دورہ کیا۔ انہوں نے اس موقع پر عوام سے خطاب کرتے ہوئے کہا کہ سرکار نے انسدادِ دہشتگردی کا استعمال سیاسی و سماجی لوگوں کے خلاف کرکے اس قانون کی افادیت ختم کر دی ہے لحاظہ اب عوام کو مل کر اس ایکٹ کو ختم کرکے اس سے مکمل چھٹکارہ حاصل کرنے کے ليے جدوجہد کی ضرورت ہے۔ سینگل: آج مورخہ 15 جنوری 2022 کو سنگل گراؤنڈ میں سینگل، گیچ گوہر آباد اور تھنگداس کی عوام کا گرینڈ جلسہ منعقد ہوا۔ اجلاس کا بنیادی ایجنڈا عمائدین پر انسداد دہشتگری اور دیگر مقدمات اور 10 جنوری کو پیش کئے گئے پانچ نکاتی ایجنڈا پر ہونے والے ڈیڈ لاک کے حوالے سے آیندہ کا لائحہ عمل ترتیب دینا تھا۔

دھرنے کے شرکا نے متفقہ طور پر اگلا لائحہ عمل کے طور پر مندرجہ ذیل نکات پر متفقہ فیصلہ طے کیا:عوام آج کے پیش کردہ تمام مطالبات کے حل تک غیر معینہ مدت تک روزانہ کی بنیاد پر 7 گھنٹے دھرنے کا اعلان کرتی ہے۔

ایف آئی آر جس نے لگایا ہے اسکے خلاف ایک غیر جانبدار انکوائری کے بعد فوری کاروائی کی جاۓ اور قرار واقعی سزا دی جاۓ.

عوام تمام مقدمات کو مسترد کرتی ہے۔ ان بلاجواز مقدمات کو فوری ختم کیا جائے۔

دس جنوری کو عوام کی طرف سے کیے گئے پانچ مطالبات کو فوری طور پر مان کر تحریری شکل میں عوام کے سامنے پیش کیا جاۓ، اس وقت تک دھرنہ ختم نہیں ہوگا۔

امن کمیٹی اور انتظامیہ نے عوام سے وقت مانگا ہیں. عوامی جلسہ یہ فیصلہ کرتا ہے کہ ہم وقت دینے کو تیار ہیں. انتظامیہ اور امن کمیٹی اپنا وقت لےلیں اور معاہدہ کو ازسرنو تحریری شکل میں لانے کے لیے اپنا کام کریں، اور مقدمات ختم کروانے میں اپنا احسن کردار ادا کریں، تب تک عوام پر امن ماحول میں اپنا دھرنا جاری رکھیں گے.

یہ دھرنا روزانہ صبح دس بجے سے شام تین بجے تک جاری رہے گا جب تک عوام کے مطالبات تحریری شکل میں نہیں مانے جاتے یہ دھرنہ غیر معینہ مدت تک یہ دھرنہ جاری رہے گا.

دھرنے کی شکل و صورت یہ ہوگی کہ وہاں کوئی سٹیج نہیں ہوگا,یہ ایک عوامی بیٹھک ہوگی جہاں نوجوانوں کی تعلیم و تربیت ہوگی, غذر بلخصوص پونیال کے سیاحت پر گفتگو ہوگی. نوجوان شاعری اور موسیقی کا اہتمام کرینگے اور فکری نشستیں ہونگی. دھرنے میں تمام چار گاؤں کے بچوں کی فری ٹیوشن کلاسز لی جائیں گی۔

عوامی جلسہ یہ فیصلہ کرتا ہے کہ مرکزی دھرنا سنگل ریسٹ ہاوس میں جاری رہے گا اسکے علاوہ گوہر آباد ,گیچ اور تھینگداس میں بھی کیمپ دھرنے بھی جاری رہینگے.

اس خبر پر اپنی رائے کا اظہار کریں

اپنا تبصرہ بھیجیں