کریم اللہ
گولین گول پاؤر ہاؤس سے بجلی کی بحالی کے بعد عوام میں یہ امید پیدا ہوگئی تھی کہ اب اپر چترال میں جاری ناروا غیر اعلانیہ لوڈ شیڈنگ کا خاتمہ ہو گا مگر عوام بجلی گھر کی بحالی کے باؤجود علاقے میں غیر اعلانیہ لوڈ شیڈنگ کا سلسلہ حسب معمول جاری ہے ۔ اس سلسلے میں گزشتہ روز ایم این اے چترال مولانا عبدالاکبر چترالی نے پیسکو افس میں اعلیٰ حکام سےملاقات کے بعد خوشخبری سنائی تھی کہ پورے چترال میں چوبیس گھنٹوں میں سے صرف دو گھنٹے بجلی بند رہے گی جس میں ایک گھنٹہ صبح چھ سے سات بجے اور ایک شام پانچ سے چھ بجے لوڈ شیڈنگ ہوگی مگر اپر چترال میں وقت بے وقت بجلی کی بندش کا سلسلہ تاہنوز جاری ہے ۔ صبح 10 سے 11 بجے کے درمیان جبکہ دفتری کام اپنے عروج پر ہو لوڈ شیڈنگ تو معمول کی بات ہے مگر گزشتہ چند دنوں سے ہر آدھا گھنٹے بعد بجلی غائب ہوجاتی ہے بجلی کی اس آنکھ مچولی کے باعث معمولات زندگی بری طرح متاثر ہوکے رہ گئی ہے ۔
