بام جہان رپورٹ
حکومت گلگت بلتستان نے اسلام آباد اور راولپنڈی کے چار بڑے ہسپتالوں کے ساتھ ایک معا ہدہ پر دستخط کیا ہے جس کے تحت گلگت بلتستان کے لوگوں کو مفت علاج معالجہ کی سہولت فراہم کی جائیگی.
اس سلسلے میں گزشتہ دنوں سیکرٹری صحت گلگت بلتستان راجہ رشید علی اور قائداعظم انٹرنیشنل ہسپتال، الشفاء آئی ٹرسٹ ہسپتال، پاکستان اٹامک انرجی کمیشن ہسپتال اور راولپنڈی کارڈیالوجی انسٹی ٹیوٹ کے نمائندوں کے مابین مفاہمتی یادداشت پر دستخط کئے گئے ۔جس میں وزیراعلیٰ گلگت بلتستان حافظ حفیظ الرحمان و دیگرحکام بھی شریک تھے ۔
معاہدہ کے تحت گلگت بلتستان سے تعلق رکھنے والے مستحق مریضوں کیلئے ان ہسپتالوں میں مفت طبی سہولیات فراہم کی جائیں گی ۔
‘
قبل ازیں مریضوں کیلئے نقد رقم دی جاتی تھی لیکن نئے معاہدے کے تحت مریضوں کو مکمل صحتیاب ہونے تک متعلقہ ہسپتال میں علاج کیا جائیگا اور تمام اخراجات کی ادائیگی صوبائی حکومت کی ذمہ داری ہو گی –
