Baam-e-Jahan

ماحولیات پر تاریخ کی سب سے بڑی کانفرنس آج سے اسکوٹ لینڈ میں شروع ہو رہی ہے

COP26

ناصر منصور


ماحولیات پر انسانی تاریخ کی سب سے بڑی بین الاقوامی کانفرنس آج سے اسکوٹ لینڈ کے شہر گلاسگو میں شروع ہو رہی ہے جس میں دو سو ممالک کے نمائندے جن میں سو سے زائد سربراہ ممالک بھی شامل ہیں شرکت کریں گے ۔ اس کانفرنس میں پچیس ہزار سے زائد مندوب اور مبصر شرکت کر رہے ہیں۔ کانفرنس کی صدارت چلی سے برطانیہ کو رسمی طور پر منتقل کی جائے گی۔
اس کانفرنس میں بنیادی مسئلہ کرہ ارض کے بڑھتے ہوئے درجہ حرارت کو دو ڈگری تک کم کرنے، کاربن کے اخراج میں کمی کے لئے اقدامات کا طے کرنا ہے، کانفرنس فاسل مادوں خصوصا تیل اور کوئلہ سے انرجی کے حصول کو مکمل طور پر روکنے کے بارے میں ممالک ٹھوس اقدامات سے متعلق اپنے وعدوں اور اقدامات سے آگاہ کریں گے۔

پاکستان کا شمار ماحولیاتی تبدیلیوں سے دنیا کے سب سے زیادہ متاثر ہونے والے دس ممالک میں ہوتا ہے، ہمارے شمال میں واقع گلیشیر درجہ حرارت میں اضافے کی وجہ سے تیزی سے پگھل رہے ہیں جس کے نتیجے میں سیلاب اور پھر خشک سالی آئے گی۔

سمندر میں خاص مقدار میں پانی نہ گرنے کی وجہ سے سمندر زمین کو نہ صرف کھا رہا ہے بل کہ زیر زمین میٹھے پانی کو بھی ختم کر رہا ہے جس کے نتیجے میں لاکھوں ایکڑ اراضی کاشت کے قابل نہیں رہی۔

کوئلہ سے بجلی بنانے سے نوع انسانی ہی نہیں زندگی کا مظہر خطرناک ماحولیاتی تغیرات سے متاثر ہو رہا ہے۔ ساحل پر موجود تمر کے جنگلات کی کٹائی اور سمندری جزائر پر شہر بسانے کی ضد سے نئی ماحولیاتی تباہی کو دعوت دی جا رہی ہے۔

اپنا تبصرہ بھیجیں