93

اپر چترال میں چکن پاکس کی وباء بے قابو


چکن پاکس سے اب تک 119 افراد متاثر، کوآرڈینیٹر ای پی آئی

پشاور، 05 ستمبر (اے پی پی):


 امیونائزیشن کے توسیعی پروگرام (ای پی آئی) کے ڈسٹرکٹ کوآرڈینیٹر ڈاکٹر ولی خان نے منگل کے روز بتایا کہ بالائی چترال کے علاقوں میں چکن پاکس کی بیماری سے متاثرہ افراد کی تعداد 100 سے تجاوز کر گئی۔

انہوں نے کہا کہ اپر چترال کی وادی ڑاسپور میں گورنمنٹ گرلز مڈل سکول ہرچن کی ہیڈ مسٹریس سمیت 34 سکول کے بچے چکن پاکس میں مبتلا پائے گئے۔

انہوں نے کہا کہ علاقے میں چکن پاکس کے پھیلنے کے بعد صوبائی حکومت نے ریڈ الرٹ جاری کیا تھا، جس کے بعد تحصیل مستوچ کے تمام دیہات میں عوام میں آگاہی مہم شروع کی گئی۔

دریں اثنا، انہوں نے بتایا کہ تحصیل مستوچ  کے بریپ، سور ڑاسپور، بروک، بونی اور سہت گاؤں میں درجنوں بچے اس بیماری سے متاثر پائے گئے ہیں۔

ڈاکٹر خان نے بتایا کہ بالائی چترال میں چکن پاکس سے کل 119 افراد متاثر ہوئے جن میں زیادہ تر بچے تھے۔  انہوں نے مزید کہا کہ چکن پاکس پھیلنے کی اطلاعات بالائی چترال کی دور افتادہ وادی تریچ سے بھی موصول ہوئی ہیں۔

اس خبر پر اپنی رائے کا اظہار کریں

اپنا تبصرہ بھیجیں