ہائی ایشیاء ہیرالڈ
چپورسن پاور ہاؤس میں ناقص اور ناکارہ پائیس لگانے کے خلاف عوامی ورکرز پارٹی کی جانب سابقہ امیدوار گلگت بلتستان قانون سازی اسمبلی آصف سخی نے سوست تھانے میں درخواست دائر کی گئی ہے جس میں موقف اختیار کیا گیا کہ چپورسن پاور ہاؤس میں تعمیراتی کام جاری ہے جس کمپنی کو تعمیراتی کام کا ٹھیکہ دیا گیا ہے اس نے ششپر گلیشئر کے پھٹنے کے نتیجے میں تباہ شدہ حسن آباد پاور ہاؤس کے ناکارہ اور متاثرہ پائپش کو چپورسن پاور ہاؤس میں نصب کرنے کا منصوبہ بنایا گیا ہے اور مذکورہ مقام پر منتقل بھی کر دیا گیا ہے۔
درخواست میں مزید لکھا گیا ہے کہ اس سلسلے میں ناکارہ پائپس کی تصاویر اور خبریں سوشل میڈیا پر وائرل ہو چکی ہے متعلقہ کمپنی کا یہ اقدام علاقے کے عوام کے ساتھ دشمنی اور جعل سازی کے مزرے میں آتا ہے۔
انہوں نے یہ بھی لکھا ہے کہ اس حوالے سے علاقے کے عوام میں شدید غم و غصہ اور اشتعال پایا جاتا ہے اور نقص امن کا خطرہ ہے۔ علاقے کے نقص امن اور کشیدہ صورت حال کو مد نظر رکھتے ہوئے متعلقہ تعمیراتی کمپنی کے خلاف قانون کے تحت کاروائی عمل میں لانے کا بھی مطالبہ کیا ہے۔
